Kadamb ka ped - An ode to something lost and found

 Kadamb ka ped

Jaadhey k dino mei, kayi saalon baad

Aaj phir waapas aaya wo maali

Jo shayad kho gya tha kisi raat

Dhundta un paudhon ko 

Lagaaye the jo apne haath

Haye kahaan gayi wo belein

Aur wo sawaare hue baag?

Thi ek aandhi aayi, 

Kaale baadalon k saath

aur barsa na jaane kahaan se wo toofan.

Le gya bahaakar jo sare khushiyon wale raag.

Din beetey saal beetey 

Yun hi beet gye din raat

Na jaane phir kahaan se usko aaye beetey din yaad

Jab Na rahe mahine yaad

Thiturti si iss thand mein,

Jaadey mei simta apni us hi puraani si khesi mein

Dagmaate hue kadmo sang, aaya wo is raah

Budhi ho gyi thi haddiyan, thi gayi safedi chhaa

Un gehri aankho par jo hua karti thi kabhi syaah

Ek ped lagaaya tha maine,

Beechon beech mere is baag

Tha nanha sa hi paudha wo 

Par ab beet gye kayi saal

Haye kitni raatein beet gayin 

Din beete, phir saal

Kya baki hoga wahi ped 

Reh gya hoga wo hi baag?

Mitti se mitti hokar wo pahucha us hi raah

Na tha wo baag na belein thi 

Kuchh alag sa tha veeran

Haye kahaan gaya wo nanha paudha

Jise raha main baanch

Ek Kadamb ka ped khada the wahin kahin aaspass

Beet gye the din mahine 

Aur beet gye saal

Jo kabhi tha ek nanha paudha aaj ho gya ped vishal

Din the beetey, beeti raatein

The beet gye kayi saal

Sardi, garmi, toofano se lada tha wo din raat.

Haye kaise batlata mali,

Kitna tha abhaga

Baag sajaa kar apne haathon se 

baaghban na reh saka tha wo

Ab kaun tha mali aur kyun na tha 

Kis se puchhe wo Kadamb ka ped

Haye abhaagi kismat ko rote dono ke nain

Chhaya mein us Kadamb ki baitha wo mali din rain

Rota apni kismat ko

Aur sojata phir se sang chain

Beetein yun hi kayi din phir ayi yaad wo raiyn

Akhir nanha paudha tha Kadamb ka jo aaj bana hai ped

Ankhiyo mein ashru liye, Uthakar apna jhola

Uth chala wo mali aur jaatey jaatey bola

Baghban to wo hai jo rachta sara khel

Haaye mera lagaya paudha aaj ho gya Kadamb ka Ped

Haye mera Kadamb ka Ped.